અલ્પેશ ઠાકોરને લોકો પૂછે છે આ સવાલ, અલ્પેશ પણ થઈ ગયો હેરાન પરેશાન, જાણો આ સવાલ

Share On
  •  
  •  
  •  
  •  
  •  

મહેસાણા: ગુજરાતને દારૂના પ્રશ્ને બદનામ કરવામાં આવે છે. અલ્પેશે કહ્યું હતુ સરકારે કડક કાયદો મારા આંદોલનના કારણે બનાવ્યો છે. તેનો અમલ થયો છે. રાજસ્થાનમાં દારૂ બંધ થવો જોઈએ, ગાંધીનું ગુજરાત, ગુજરાતમાં દારૂબંધીના કારણે શાંતિ છે. ચૂંટણી પતવા દો, સામાજિક રીતે અમે ફરીથી કામ કરવાના છીએ,

ભાજપમા જતા જ હવે અલ્પેશ ઠાકોરનો સૂર બદલાઇ ગયો છે. કારણ કે તે ભાજપમાંથી રાધનપુરમાં ચૂંટણી લડી રહ્યાં છે. તેથી દારુ વેચાય છે છતાં તેની સામે બોલી પણ શકતા નથી, જેથી રાધનપુરના લોકો તેમને પ્રશ્નો પૂછી રહ્યાં છે કે એ 900 અડ્ડા આજે ચાલુ છે તે બંધ કેમ ન થયા ?

ત્રણ વર્ષ પહેલાની યાદી ભૂલાઈ


અલ્પેશ ઠાકોરે 26 ફેબ્રુઆરી 2016માં ત્રણ વર્ષ પહેલા કહ્યું હતું કે, વડાપ્રધાન નરેન્દ્ર મોદી, પૂર્વ મુખ્ય પ્રધાન આનંદીબેન પટેલ અને પૂર્વ ગૃહપ્રધાન રજની પટેલના મહેસાણા જિલ્લાના વતનમાં દારૂના 900 અડ્ડા ચાલે છે. મહેસાણામાં દારૂ-જુગારના 900થી વધુ અડ્ડા ધમધમતા હોવાનો ઘટસ્ફોટ કરતી યાદી ઓબીસી-એસસી-એસટી મંચના નેતા અલ્પેશ ઠાકોરે પૂર્વ મુખ્ય પ્રધાન આનંદી પટેલને રૂબરૂ મળીને આપી હતી. દારૂની બદી સામે ઝુંબેશ ચલાવનારા અલ્પેશે ટોકન તરીકે બુટલેગર્સનાં નામ-સરનામાં સાથેની યાદી આપી હતી. જે આજે અલ્પેશ ઠાકોર ભૂલી ગયા હોવાથી લોકો તેમને યાદ કરાવી રહ્યાં છે કે તે જૂની યાદી ફરીથી બહાર કાઢે અને જનતા રેડ કરાવી ઠાકોર સમાજને બચાવે.

‘વ્યસનમુક્તિ મહાકુંભ’ મહા દંભ


એસસી, એસટી, ઓબીસી એકતા મંચના બેનર હેઠળ અમદાવાદના જીએમડીસી ગ્રાઉન્ડ પર વ્યસનમુક્તિ ‘વ્યસનમુક્તિ મહાકુંભ’ રેલીમાં અલ્પેશે દારૂના અડ્ડા બંધ કરાવવા માટે એક મહિનાનો સમય આપીને ફરીથી મુખ્ય પ્રધાનને વધુ 21 દિવસનું અલ્ટિમેટમ આપ્યું હતું. પછી અડ્ડા પર તેમણે દરોડા પાડ્યા અને એકાએક બંધ થઈ ગયા હતા.
3 વર્ષથી દારૂના અડ્ડા બંધ ન થયા, અલ્પેશ ઠાકોર મૌન
3 વર્ષથી દારૂના અડ્ડા બંધ ન થયા. અલ્પેશ ઠાકોરે દારૂના અડ્ડાનું લિસ્ટ આપ્યું તેને ત્રણ વર્ષ થયા પણ અડ્ડા ચાલુ છે ભાજપમાં પક્ષપલટો કર્યા પછી અલ્પેશ ઠાકોર મૌન છે. ક્ષત્રિય ઠાકોર સેનાના પ્રમુખ અલ્પેશ ઠાકોર પહેલા રાજ્યમાં ચાલી રહેલા દારૂના અડ્ડાઓ પર જનતા રેડ કરાવી રહ્યા હતા. જે હવે ભાજપમાં ગયા પછી 6 મહિનાથી બંધ છે.

જનતા રેડ બંધ

ગુજરાત ક્ષત્રિય ઠાકોર સેનાના અલ્પેશે 26 જાન્યુઆરી 2016ના રોજ જી.એમ.ડી.સી. ગ્રાઉન્ડ અમદાવાદ ખાતે ઠાકોર સમાજના લોકો ભેગા કરી જાહેરમાં વ્યસનમુક્તિની ‘પ્રતિજ્ઞા’ લેવડાવેલી હતી. નશીલા પદાર્થોના સેવનથી અને દારૂ પીવાથી નાની ઉંમરે મૃત્યુ પામનારા યુવાનોની, નાની ઉંમરમાં વિધવા થતી બહેનો અને નિરાધાર થતા બાળકોના દર્દને સમજી અમે મુહિમને સફળ બનાવીશું. પછી દારૂના અડ્ડા પર ‘જનતા રેડ’ પાડવાનું શરૂ કર્યું હતું.પરંતુ હવે તે બંધ છે.
અમદાવાદમાં પ્રતિજ્ઞા લીધી છતાં સૌથી વધુ અડ્ડા
ગુજરાતમાં અમદાવાદમાં અનેક દારૂના અડ્ડા છે. દારૂનો ધંધો કરવા પીસીબીની મંજુરી લેવી પડે છે. જેમાં સૌથી વધુ વેચાણ કરતાં હોય એવા 10 અડ્ડાઓની યાદી જાહેર થઈ હતી. જેમાં ગોમતીપુર(હસન), બાપુનગર(ભૈયા), નિકોલ(ભૈયા), નરોડા(છારા), જુહાપુરા(કાલુ), જુહાપુરા(બરફ), નવાવાડજ(સિંઘી), શાહપુર(ખડકી), દરિયાપુર(ચાંદ), અસારવા (કિશોર), અસારવા (શંકર મંદિર), સાબરમતી નદીના તટમાં ઈન્દીરાબ્રીજ પાસે રાતના આઠ વાગ્યાથી દેશી દારૂની ભઠ્ઠીઓ શરૂ થઈ જાય છે, વસ્ત્રાપુર બગીચા પાસે ઘરે બેઠા દારૂ પહોંચાડવાનું હબ છે. અહીં વિદેશી દારૂ પહોચાનાર એકત્રીત થાય છે, જેઓ સમગ્ર પશ્ચિમ અમદાવાદમાં ઘરે બેઠા કોઈ પણ બ્રાન્ડનો દારૂ પહોચાડી આવે છે.

1050 લીસ્ટેડ બુટલેગર

અલ્પેશે અમદાવાદમાં દારૂના અડ્ડાઓ પર જનતા રેડ કરી હતી. છતાં 2019માં પોલીસની યાદી પ્રમાણે અમદાવાદ શહેરમાં લિસ્ટેડ બુટલેગરો 1050 છે, જેમાં ગૃહમંત્રીની જાહેરાત બાદ 0.4 ટકા બુટલેગરો સામે કાર્યવાહી થઇ છે. એક અડ્ડા પરથી રોજની 100થી 2 હજાર વિદેશી બનાવટી દારૂની બોટલો અને પોલટી વેચવામાં આવે છે. રોજ 11 લાખ બોટલ કે પોટલી વેચાય છે. અમદાવાદની વસતી 60 લાખ છે, તેથી દર 6 વ્યક્તિએ એક બોટલ વેચાય છે.

રાધનપુરમાં દારૂના અડ્ડા

અમદાવાદમાં લઠ્ઠાકાંડ બાદ ગાંધીનગરમાં દારૂના નામે દારૂના અડ્ડા ઉપર દરોડા પાડીને તરકટ કરનારા પૂર્વ ધારાસભ્ય અલ્પેશ ઠાકોરના મતવિસ્તાર રાધનપુરમાં ખુલ્લેઆમ દારૂનું વેચાણ થઈ રહ્યું છે. અલ્પેશ ઠાકોરના દારૂબંધી અભિયાનની હવા નીકળી ગઈ છે. મહત્વનું છે કે, રાજયભરમાં દારૂના અડ્ડા ઉપર દરોડા પાડનારા અલ્પેશ ઠાકોરનો પિતરાઈ ભાઈ કાંતિ ઠાકોર પણ દારૂની ખેપ મારતા વિદેશી દારૂના જથ્થા સાથે ઝડપાયો હતો.

મારા સમાજના લોકો દારૂનો ધંધો કરે છે- અલ્પેશ

ઠાકોર સેનાના આગેવાન અલ્પેશ ઠાકોરે 18 જૂન 2018માં પાટણ ડીસા રોડ ખાતે નવા બનેલા મેડિકલ સ્ટોરનું ઉદ્ઘાટન કરતી વેળા કહ્યું હતું કે, મારા સમાજના લોકો નાનો મોટો દારૂનો ધંધો કરતા હશે. હું ના નથી કહેતો. પરંતુ આ લોકોને પકડાવવા માટે હું જ દોડું છું. હું સભાનતાપૂર્વક કહી રહ્યો છું. એમને રોકવા માટે, બંધ કરાવવા માટે એમને પકડાવવા માટે હું જ દોડું છું.

કોઈ સુધારો નહીં

તેમણે અનેક જગ્યાએ દારૂના અડ્ડાઓ પર જનતા રેડ કરી હતી. અનેક વખત સરકારને જુદા જુદા વિસ્તારોમાં દારૂના અડ્ડાઓ બંધ કરાવવા અંગે સરકારને ચીમકી પણ આપી હતી. ક્ષત્રિય ઠાકોર સેનાની સ્થાપના પાછળનો તેમનો ઉદેશ્ય તેમના સમાજના લોકોને દારૂની કુટેવમાંથી મુક્તિ અપાવવાનો હતો. પણ તે રાજકાણમાં જઈને કોંગ્રેસમાંથી ભાજપમાં પક્ષપલટો કરતાં હવે તે સરકાર સામે કંઈ બોલી શકતા નથી